global
Site Admin
Topic Author
Posts: 66
Joined: Fri Jul 14, 2017 1:50 pm
Contact:

RC WANGABO: WATAKAOWANYANYASA WAANDISHI WA HABARI KUKION

Sun Nov 12, 2017 1:40 pm

Image
Mkuu wa Mkoa wa Rukwa, Mh. Joachim Wangabo amewatahadharisha wakuu wa wilaya na wapenda maendeleo wote Mkoani Rukwa wasiwanyanyase waandishi wa habari pindi wanapohitaji habari za kutangaza fursa zilizomo katika mkoa huo.
 
Ameonya kuwa kuna baadhi ya viongozi wamekuwa wazito kutoa ushirikiano kwa waandishi wa habari, jambo linalosababisha wadau wa maendeleo walio nje ya mkoa kutofahamu fursa zilizomo katika mkoa na changamoto zinazopatikana ili watoe ushirikiano katika kuzitatua changamoto hizo.
“Kwa mkoa huu wa Rukwa, waandishi wa habari ruksa kufanya kazi yenu vizuri, vyombo vya habari ni fursa, wao ndiyo watakaoiambia dunia kuwa Rukwa iko hivi, hakuna mwandishi atakayewekwa ndani katika mkoa huu, wao ni wadau muhimu sana katika maendeleo na sio watu wa kuwaweka pembeni katika kufikisha ujumbe kwa jamii,” alisisitiza
 
Ameyasema hayo wakati wa kikao chake na wazee wa Mkoa wa Rukwa pamoja na baadhi ya viongozi wa dini kilichowaalika waandishi wa habari ili kuijua mipango na mikakati yake katika kuona fursa za Rukwa zinatangazwa kitaifa na kimataifa.
 
Lakini pia hakusita kuwatahadharisha waandishi hao kuwa anayekwenda kinyume na miiko ya uandishi na kugeuza misingi ya kazi yake, hatokuwa na nafasi ya kufanya kazi katika mkoa na kuongeza kuwa mwandishi wa habari hapaswi kuwa wakala wa vyama vya kisiasa na kuacha kuandika mazuri yanayotendwa na serikali ya awamu ya tano.

Trending Topics